Timpe å matén, on semdi , m'mononke Douward esteut en trin d'didjuner, la s'camaeråde Léon ki bouxhe à l'ouxhe.
"Puski vo z'estoz stampé si timpe" dis-t-i "dji vos invite à vegne djusk' G... avou mi, dj'a wangnî on djoû sins payî po deus legnes à les etans del Cala".
"C'est bén damadje" dis ti m' mononke "mins Djaene m'a fwait promete di li fouyî deus twè åres po planter les canadas".
Léon n'insisse nén : i cnoxheut bén li sûr mouzon d' èm' matante Djaene cwand elle esteut mwaijhe.
El semdi si passe eyet li londmwin - so li timpe ki leus femes sont a messe - les deus comperes si ritrovnut divant l'eglijhe, å 'Cafè des Colombophiles'.
"Non di djeu Douward vo d'avoz raté ene bele à n'nén vni avou mi ..."
dis ti Léon en drovant ses deus bras tot å lådje come s'il mezurèt ene pwâte di gregne
"... grand come ça hon, vos n'avoz jamwais veyou pont d'pexhon tossîs long !"
"Ha " dis-ti Douward ...
"Djaene a stî continne bén seur: dji gadje ki vos avoz fouyî bén parfond ...?"
Et Douward : " Xhoute bén ... Dj'esteut en trin d'fouyî come ene biesse, en v'la ti nén ki dji bouxhe so ene sacwè di télmint deur k'el mantche d'èm'schoupe s'a cassé è deus."
"Maria..."
"Dj'erwaite, c'y come ene grosse båre di fier aveu ene pwinte , plantêye tote dwète dins l'tere d'èm djårdén."
" Dji m'va r'cweri l'schoupe da m'feme dins l' forni, eyet dji creuze åtoû : c'a n'esteut nén ene båre di fier, c'esteut on cask'à pwinte del guere catôze !"
"Ca non di diu."!"
"Eyet pa dzo l'caske à pwinte hon, e bén l'sôdård almand esteut co la !"
" Nooon ... ?
"Eyet cwand dj' a yeu creuzé åtoû do sôdård .. .cwè esse ki dj'a trové ...? "
"???"
"Esse moto miyårds, il l'esteut so' moto !"
"Nén possibe hon ! "
"Si fwait, si fwait " dis ti Douward "Minme k'el phare del moto esteut co aloumé !"
"Hé l'est bon, hon Douward, la t'exagères hon ...!"
"D'acoird" dis ti Douward "tu rtire 50 cm à t'pexhon, et mi dji distins li phare !"
Inscription à :
Publier les commentaires (Atom)
Aucun commentaire:
Enregistrer un commentaire