Lettre à Mr Van Cauwenberge (Répartition des nuisances de l' Aéroport de Zaventhem)

Binamé monsieu l' prezidint,

Pocwè est ç' don ki, cwand on vout stårer les bruts di l'areyopoirt di Zaventem,
on l' doet fé pattavå nosse redjon walone eyet li redjon brusselwesse ?
Adon ki cwand c' est po distribouwer l' ovraedje, èt les plaeces di fonccionnère, dins l'areyopoirt,
pa egzimpe les plaeces di policîs, o direut ki li lwè di l'Beldjike dit ki c' est rén k' ås Flaminds ki ça va !
Eyet, come i fåt k' i pålnuxhe francès eto, ces Flaminds la ont co ene prîme di binlingwisse !

Dji pinse ki vos dvrîz propôzer k' on definixhe on diplome di "cnoxhance do lingaedje walon", acertiné pal Redjon Walone.
Eyet di fé çou k' i fåt po ki Bierset eyet Gochliye n' ouxhnuxhe di l' ovraedje ki po des djins k' åront ci papî la. Et don-nez li zels ene prîme di bilinguisse si îs conoxhnut li francès eto !

Po z'aprester les egzamins k' i fåt po esse "Walon-acertiné", dji n' vos sårè aidî :
tot çki dji sais c' est k' Hitler a fwait ene sacwè insi po les Aryens; eyet k' i doet bén seur co awè des djins specialisses dins kimint k'o doet fwait po vir si vos estoz on vraiy flamind.
Si vos n'd'è trovoz nén, vo n'avoz k'a cachî dins les cis po ki esse k'o va co bén rate no dimander l' amnisteye.