Léon et Marguerite dins les fagnes

Å cominçmint ki l'esteut pinsioné, Léon aveut voltî s'endaler avou Marguerite passer sacwants djoûs dins les Årdenes, po s'pormoenner à leu n'åjhe, eyet s'dinner do bon timpes å nut dins les p'tits hôt-els.
On bea djoû i s'è vont do costé del barake Michel - dj'a dit on bea djoû, mins i n'esteut nén si bea k'ça, vû ki c'esteut å moes d'fevrî.

Mins tot l'minme, i'aveut do bea solea, ki lujheut so l'nive, ki c'esteut on plaijhi di s'pormoenner avou des hôtès botes dins les fagnes...

Ça fwait k'vla mes z houmes evoye pa les pîssintes, eyet les ptits tchimins, eyet et co pa des ôtes pîssintes, eyet pattavå les urées plinne di nive.

Îs z'as-tinne télmint contins ki n'sondjeut nén à s'ertourner tins on tins on côp, po rwaitî pa eyu ki vneut di passer.

Cas fwait k'à l'eure di riciner il leu fåt bén admete ki sont pierdous, eyet ki l'est ki s'dispétchneunchet à sårteu des fagnes et ki si-non ls vont s'fé prinde pa l'nute eyet fini leu djoûs come les fiancés des fagnes - si vos conoxhoz esse n'istwere la ...

A sept eures, elle nut esteut tote noere, i r'cominceut à tchère del nive, eyet i s'trovnut pa d'dvant ene cahute di bos, tot djusse boune à mete a houte ene cope d'eure les tchesseus di pourcea-singlés.

On côp ki sont rintrés d'dins, i fwait pu tchå, et ls sont s't' houte, eyet îs decidnut ki l'est bon insi, ki vont r'waitî di doirmou la, po ratinde el djoû eyet rcomminchi à cachî après leu tchimin.

Mins l'patron di leu n'hôtel ki ni les wèt nén rintré, esse dit ki n' fåt nén leyî des djins come yeuss, ki sont vîs, et ki n'sont nén do payis à l'ouxhe ene nut d'iviers, ki vont moreu edjalés.

Il telefone à les gendarmes, ki organiseneunt ene grande batowe aveut totes les organisâtions ki sont s'habutuwées à fwai ça.

A cénk eures å matén, Léon etinds bouxhî à l'ouxhe del cahute: "Monsieu, monsieu .. "

"Hé ki esse on ?" dis-ti Léon ki n'a jamwais stî on franc-tigneux.

"C'est la Croix Rouge, Monsieur ..."

Eyet Léon "Passez vo tchimin Monsieu, dj'a ddja donné !".